Við höldum áfram að Fjölga heppnum Íslendingum í nýrri framhaldsherferð þar sem Lukka Leifs er kynnt til leiks sem heppnisrannsóknar-vísindamaður í ódauðlegu samstarfi við rektor Smára Laufdal. Hún er auðvitað hin eilífa Lukka sem svífur yfir Háskólanum í heppni.  

Rannsóknarfókusinn að þessu sinni var á óheppni, kómísku hliðina á heppni af því stærsta heppnisrannsókn Íslandssögunnar sýndi að helmingur Íslendinga telur sig vera óheppna og við þurfum auðvitað að breyta því.  

Herferðin var stútfull af byltingarkenndum nýjungum og ein af þeim var prívat hlaðvarp Háskólans í heppni: Í ljósi heppninnar. 

Hlaðvörp og auglýsingar í einum lukkupakka. Þar fjallar rektor Háskólans í heppni og samstarfsmenn hans um heppni og heppna Íslendinga frá hávísindalegu sjónarhorni. Auglýsingarnar eru vitanlega nettur snúningur á langvinsælasta íslenska hlaðvarpsþættinum – Í ljósi sögunnar, hennar Veru Illugadóttur. 

Markmiðið er blygðunarlaust: Að fjölga heppnum Íslendingum út um allan heim! 

Hvaða galna fyrirtæki sendir lukkufisk í markpósti? 

Svar: Urluð auglýsingastofa.  

Þessi lukkufiskur, eins konar fjörfiskur, fór út sem vísindalegt próf á heppni viðtakenda. Hann hreyfist í lófa manns og hreyfingin segir til um heppnina. Höfuð upp, sporður niður o.s.frv. – allt eftir töfrum! 

Eins og lukkufiskurinn væri ekki nóg, sendum við út Lukkuskeyti í símskeytaformi til allra útskriftarnema, lýstum mikilvægi HHÍ fyrir Háskólann og hvöttum þá til að kaupa miða í HHÍ í framtíðinni